Janúarhespan

JANÚARHESPAN

Janúarhespan er fyrsta litun af tólf árið 2026… allir mánuðir ársins fá sinn lit!

Ég mun lita hvern mánuð á þremur garn grunnum: Fínerí, Fínerí DK og Fiðu (Sjá innihald hér fyrir neðan).

Þú getur tryggt þér eintak hér í forsölu áður en hún fer í litun þar sem mánaðarhespurnar verða litaðar í takmörkuðu upplagi.

Janúar er minn afmælismánuður svo liturinn er algjörlega eftir mínu höfði… GRÆNN

Ég mun alltaf setja inn teikningu af hespu hvers mánaðar þegar forsala fer af stað svo þú hafir einhverja hugmynd um hvað þú ert að kaupa ef þú vilt vera alveg viss um að ná eintaki… eða þú getur beðið eftir myndum af hespunum tilbúnum og náð þér í eintak þá áður en þær klárast…

Fínerí er undurmjúk merínó ull í fínbands (fingering) grófleika. Tilvalið í sokka, peysur, húfur, sjöl, trefla og bara allt sem þig langar að prjóna.

85% merínó ull (superwash) og 15% Nylon 
Fínband 100g/400m

Fínerí DK er undurmjúk merínó ull í léttbands (Dk) grófleika. Tilvalið í sokka, peysur, húfur, sjöl, trefla og bara allt sem þig langar að prjóna.

85% merínó ull (superwash) og 15% Nylon
Léttband 100g/224m

Fiða er undursamlega mjúkt og fallega loðið. Pínu villt …Tilvalið í sjöl, peysur, vettlinga… bæði sem aukaþráður og einn og sér.

75% Brushed baby suri alpacca og 25% Mulberry Silki
Fisband (lace) 50g/300m

OG nú er ég búin að bæta við

Merino Silki Fisband er undursamlega mjúkt og glóir eins og gull. Mikið notað sem aukaþráður líkt og mohair en líka dásamlegt eitt og sér í allt milli himins og jarðar. Ég er t.d. að nota þetta tvöfalt í ungbarnasett og held ég hafi bara ekki snert neitt dásamlegra. Géggjað  í staðin fyrir mohair í peysuna Kusk til dæmis… og þá með Fínerí á móti.

75% merínó ull (sw) / 25% Mulberry silki
100g/800m
Grófleiki: fisband (lace)